Ящэнэрэ чIыпIэр къыдихыгъ
Лъэс зекIонымкIэ Урысыем ичемпионатэу «Человек идущий-2025-рэ» зыфиIорэм республикэм икомандэу «Мыекъуапэ 01-м» ящэнэрэ чIыпIэр къыщыдихыгъ.
ТекIоныгъэр къыдэзыхыгъэхэр лъэныкъуи 6-кIэ къэнэфагъэх: «Муниципальнэ командэхэр», «ЗОЖ-м икупхэр», «Пенисонерхэм якомандэхэр», «Апшъэрэ еджапIэхэм якомандэхэр», «Корпоративнэ командэхэр», «Унэгъо командэхэр». 2025-рэ илъэсым зэнэкъокъум командэ 2471-рэ хэлэжьагъ, а пчъагъэм нэбгырэ мин 65-м ехъу къызэлъеубыты, шъолъыр 81-мэ ялIыкIох.
Муниципалитетхэм якомандэ 412-мэ язэнэкъокъу хагъэунэфыкIырэ чIыпIэ къыщыдихыгъ «Мыекъуапэ 01-м». ЯтIонэрэ хъугъэ Белгородскэ хэкум икъалэу Валуйки къэзыгъэлъэгъуагъэр. Пэрытныгъэр ыубытыгъ Республикэу Башкортостан ипсэупIэу Татышлы икомандэ. Илъэсищ хъугъэу «Мыекъуапэ 01-м» хагъэунэфыкIырэ чIыпIэ къыфагъэшъуашэ.