Нэбгырищмэ медальхэр къахьыгъэх
Теннис цIыкIумкIэ зэнэкъокъоу «Предгорье Кубани» зыфиIорэр Краснодар краим ипсэупIэу Николаенкэм щыкIуагъ.
Мыекъуапэ итеннисисти 3-мэ хагъэунэфыкIырэ чIыпIэхэр къыдахыгъэх.
Адыгэ Республикэр Мыекъуапэ, Красногвардейскэ ыкIи Теуцожь районхэм яспортсменхэм къагъэлъэгъуагъ. Ау хагъэунэфыкIырэ чIыпIэ къэзыхьын зылъэкIыгъэхэр республикэм икъэлэ шъхьаIэ илIыкIохэр ары. Апэрэ лигэм текIоныгъэр къыщыдихыгъ София Рычковам, Бзаго Даринэ ящэнэрэ хъугъэ. Джащ фэдэу ящэнэрэ лигэм ятIонэрэ чIыпIэ къыщихьыгъ Дамир Бабабековым.