ХэбзэIахь къулыкъухэм яIофышIэхэу ыкIи яветеранхэу
лъытэныгъэ зыфэтшIыхэрэр!

Социальнэ-экономикэ щынэ­гъончъэнымкIи, мылъку Iофхэм языпкъитыныгъэкIи хэбзэIахь
къулыкъухэм мэхьанэшхо яI. Эко­номикэм зыкъиIэтынымкIэ, ин­фраструктурэр нахьышIу хъунымкIэ, социальнэ лъэныкъом епхыгъэ Iофыгъохэу къэуцухэрэр икъоу зэшIохыгъэнхэмкIэ а къулыкъум бэ елъытыгъэр.
ЦIыфхэм гъэсэныгъэ зэрагъэгъотынымкIэ, медицинэ фэIо-фашIэхэр афэгъэцэкIэгъэнхэмкIэ, игъом пенсиехэр аIэкIэгъэхьэгъэнхэмкIэ Конституцием къыдилъытэрэ ­фитыныгъэу яIэхэр мыукъогъэн­хэмкIэ хэбзэIахь къулыкъухэм бэ апшъэ дафэрэр.
Федеральнэ хэбзэIахь къулыкъум и ГъэIорышIапIэу Адыгэ Респуб­ликэм щыIэм иIофышIэхэм ямэфэкI мафэ ехъулIэу ты­зэрафэразэр къэтэIо. Тиреспуб­ликэкIэ къулы­къум иветеранхэу апэрэ сатырхэм ахэтыгъэхэр ары анахьэу етIани тызфэразэхэр.
Псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ Iофым гъэхъэгъа­кIэхэр щышъушIынхэу шъуфэтэIо!
Адыгэ Республикэм и ЛIышъхьэу, Урысые Урысые политическэ
партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр