Проектэу «ЛIыхъужъэу къэхъухэрэп» зыфиIорэм къыдыхэлъытагъэу шъолъыр фондэу «Хэгъэгум иухъумакIохэр» зыфиIорэм ЛIыхъужъныгъэм иурок зэхищагъ.

Фондым илIыкIохэр лицееу N 19-м ыкIи гурыт еджапIэу N 7-м икIэлэ­еджакIохэм аIукIагъэх, радиационнэ, химическэ ыкIи биологическэ ухъу­мэнымкIэ дзэхэм, джащ фэдэу ракетнэ дзэхэм ыкIи артиллерием афэ­гъэхьыгъэ къэбархэр къа­фаIотагъэх.
Iофтхьабзэм къыдыхэлъытагъэу, хэушъхьафыкIыгъэ дзэ операцием иветеранэу Эдуард Ба­раевыр ащ къырагъэблэгъагъ. ДзэкIолIым уIэгъэ хьылъэу тещагъэ хъугъэм ыпкъ къикIыкIэ ылъакъо изы Iахь пахынэу зэрэ­хъугъэр, ащкIэ къиныгъоу зэпичыгъэхэр кIэлэеджа­кIохэм къафиIотагъ. Джы ащ аужырэ шапхъэхэм адиштэрэ протез пыт, патриотическэ Iофтхьа­бзэхэм чанэу ахэлажьэ, спортым пылъ. Ветераныр зыпхырыкIыгъэу къа­фиIотагъэм ныбжьыкIэхэм ащыщхэм агу зэхи­гъэхьагъ.
Мы зэIукIэгъур пыта­гъэм ыкIи шIулъэгъуныгъэ инэу Хэгъэгум фыряIэм ишыхьат хъугъэ. КIэлэ­еджакIохэм хьакIэр бэрэ амытIупщыжьэу упчIабэ фагъэзагъ, игъэкIотыгъэ джэуапхэри агъотыжьы­гъэх.
Iэшъынэ Сусан.