ЛIыжъ ЩтыргъукIыр къызыхъугъэ мафэм тефэу, шэкIогъум и 18-м, илъэсыкIэ пцыикъым изэнэкъокъоу «Арт-елка-2026» зыфиIорэр Мыекъуапэ щаублагъ.

Къэлэдэс ныбжьыкIэхэр, кIэлэцIыкIу IыгъыпIэхэм ачIэсхэр, кIэлэеджакIохэр ащ хэлэжьэнхэу рагъэблагъэх. ШIои­гъоныгъэ зиIэхэм тыгъэгъазэм и 15-м нэс уахътэ яI. Зэфэхьысыжьхэр 2026-рэ илъэсым щылэ мазэм и 11-м къэнэфэщтых. МыекъуапэкIэ культурэм и Унэу «Гигантым» IофшIагъэхэм якъэгъэлъэгъон щылэ мазэм и 3 —11-м щыкIощт.
Анцокъо Ирин.