Зэдегъэштэн есынымкIэ Урысые зэнэкъокъоу Ханты-Мансийскэ щыкIуа­гъэм Мыекъуапэ къэзыгъэлъэгъогъэ пшъэшъи 7-мэ спортым имастер хъунхэмкIэ шапхъэр рагъэ­къугъ.

Iофтхьабзэу «Выше радуги» зыфиIорэм къэралыгъом ишъо­лъыр зэфэшъхьафхэм къарыкIы-
гъэ нэбгырэ 300-м ехъу хэлэ­жьагъ. Аныбжь елъытыгъэу ахэр гощыгъагъэх: илъэс 13-м нэс зы­ныбжь пшъашъэхэмрэ кIалэ­хэмрэ, зыныбжь илъэс 13 — 15-м шIомыкIыгъэ пшъашъэхэр. Спорт­смен ныбжьыкIэхэм IэпэIэсэ­ныгъэу аIэкIэлъыр къагъэлъэ­гъуагъ, текIоныгъэм фэбэнагъэх.
Олимпийскэ резервым испорт еджапIэу В. С. Максимовым ыцIэ зыхьырэм зыщызыгъэсэрэ пшъа­шъэхэм Урысыем спортым имастер хъунхэмкIэ ищыкIэгъэ баллхэр рагъэкъугъэх. Ахэм ятре­нерыр Нина Говорковар ары. Командэм хэтыгъэх: Анастасия Анисимовар, Джанхъот Эланэ, Анастасия Мороз, Владислава Хлупинар, Елизавета Шестаковар, Диана Михайловар, Виктория Исаковар.
Зэнэкъокъум командэ 33-рэ хэлэжьагъ. Ахэм ахэтыгъэх къэралыгъом икуп анахь лъэшхэу Москва, Московскэ хэкур, Че­лябинскэ, Омскэ, ХМАО-Югра къэзыгъэлъэгъуагъэхэр. Унэе зэ­нэкъокъухэр пштэмэ, типшъа­шъэхэмкIэ къэгъэлъэгъон анахь дэгъу зиIэр Виктория Исаковар ары, ящ яплIэнэрэ чIыпIэр къыдихыгъ. Джащ фэдэу мы пшъа­шъэм Джанхъот Эланэ игъусэу яплIэнэрэ хъугъэх.