ГандболымкIэ Къыблэ ыкIи Темыр-Кавказ федеральнэ шъолъырхэм якомандэхэм язэнэкъокъоу зэхащагъэм ­Мыекъуапэ ипшъашъэхэм ятIонэрэ чIыпIэр къыщыдахыгъ. Зыныбжь илъэс 15-м емыхъугъэхэр ары зызыушэтыгъэхэр.

Къэлэ спорт еджапIэу С. М. Джэнчатэм ыцIэ зыхьырэм зыщызыгъа­сэхэрэм Волгоград ешIэгъуиплI щыряIагъ. Ростов хэкум илIыкIохэм — 27:21-у, Краснодар — 29:21-у, Ставрополь краим — 22:15-у атекIуагъэх. Ау финалым Волгоград икомандэу «Динамо-2» зыфиIорэр нахь лъэшыгъ, ащ апэрэ чIыпIэр къыдихыгъ.
Зэнэкъокъум иешIэкIо анахь дэгъоу къыхагъэщыгъэр Мыекъуапэ икомандэ хэт Виктория Баховар
ары. Iоф­тхьабзэм изэфэхьысыжьхэмкIэ Адыгеим игандболисткэхэм Урысыем ипервенствэ изичэзыу едзыгъо хэлэжьэнхэу фитыныгъэ къыдахыгъ.