ГандболымкIэ Урысыем и Кубок икъыдэхын фэгъэхьыгъэ зэнэкъокъум хэлэжьэрэ «АГУ-Адыифыр» мы мафэхэм апшъэрэ лигэр къэзыгъэлъэгъорэ Брянскэ икомандэу «Соколым» дешIагъ, типшъашъэхэм къэлапчъэм Iэгоо 43-рэ дадзагъ ыкIи текIоныгъэр къыда­хыгъ. Пчъагъэр 43:27-у зэIукIэгъур аухыгъ.

Урысыем и Кубок ия 1/16-рэ финал къыдыхэлъытэгъэ ешIэгъум типшъашъэхэм дэгъу дэдэу зыкъыщагъэлъэгъуагъ. Апэрэ такъикъи­тфым ахэм къэлапчъэм Iэгоуи 5 дадзагъ. Никита Голуб ыгъэсэрэ гандболисткэхэм IэпэIэсэныгъэу аIэкIэлъыр къагъэшъыпкъэжьыгъ.
Зэнэкъокъум иблэкIыгъэ уцугъо фэдэу, ащагъум тикомандэ «КубГУ-м» дешIагъ, Мыекъуапэ илIыкIохэм къэлапчъэм Iэгоо 43-рэ дадзагъ. Валерия Вайкумрэ Елена Смирновамрэ нахь къахэщыгъэх.
Урысыем ичемпионат къыдыхэлъытагъэу «АГУ-Адыифыр» Ижевскэ икомандэу «Университетым» IукIэщт, а ешIэгъум джырэ уахътэм зыфегъэхьазыры.