ГандболымкIэ Урысыем и Суперлигэ хэт «АГУ-Адыифым» мы илъэс ешIэгъумкIэ я 10-рэ зэIукIэгъоу Мыекъуапэ щыриIагъэр Московскэ хэкум икомандэу «Звездам» шIуихьыгъ.

«АГУ-Адыиф» — «Звезда» — 34:38 (15:17)
«АГУ-Адыифым» хэтыгъэх: къэлэпчъэIутхэр — Гобадзе, Черницовар, Черновар. Вайкум — 9, Краснокутскаяр — 6, Смирновар — 6, Миловар — 5, Хавронинар — 4, Коблыр — 3, Салаховар — 1.
«Звездам» щешIагъэх: къэлэпчъэIутхэр — Долгих, Лебедевар. Вертушковар — 11, Закордонскаяр — 7, Бельчиковар — 7, Пензевар — 5, Кандаковар — 3, Егоровар — 2, Крыловар — 2, Клишининар — 1.
Адыгеим икомандэ джырэ уахъ­тэм иешIакIэ къыгъотыгъ. Арышъ, ащ утекIоныр псынкIэп. Типшъа­шъэхэм очко къахьышъурэп, ау ащ бэрэ пэблагъэх. «Звездар» анахьыбэмкIэ тикомандэ ыпэ
зэ­ришъыгъэр Iэгоуи 5 ныIэп. Тигандболисткэхэр аужырэ та­къикъхэм анэсэу бэнагъэх, ау хэукъоныгъэу ашIыгъэхэм е ащыщхэр ешIапIэм зэрэрагъэкIыгъэхэм къахэкIэу очко къахьы­шъугъэп. Дэгъу дэдэу джэгугъэх Валерия Вайкумрэ Елизавета Краснокутскаямрэ. Мы нэбгыри­тIум къэлапчъэм Iэгоо 15 да­дзагъ. ТикъэлэпчъэIутэу Тамара Гоба­дзе иешIакIэ уигъэрэзэнэу щытыгъ, Iэгоо 39-у къадзыгъэм щыщэу 12-р ащ къызэкIидзэжьыгъ. «Звездам» къыщыхэщыгъэх Снежана Вертушковар, Ксения Закордонскаяр, Кристина Бельчиковар ­ ыкIи София Пензевар. ЗэIукIэгъур 38:34-у хьакIэхэм ахьыгъ.

Я 11-рэ турым изэфэхьысыжьхэр:
«АГУ-Адыиф» — «Звезда» — 34:38, «Ростов-Дон» — «ЦСКА» — 29:23, «Астраханочка» — «Динамо-Синара» — 35:26, «Уфа-Алиса» — «Черноморочка» — 21:35, «Лада» — «Университет» — 39:20, «Луч» — «Кубань» — 29:28.
Турнир таблицэм «АГУ-Адыифым» я 10-рэ чIыпIэр щиIыгъ. «Ростов-Доныр», «ЦСКА-р» ыкIи «Ладэр» хагъэунэфыкIырэ чIыпIэхэм ащытых. Непэ тикомандэ кубковэ зэIукIэгъу Брянскэ щыриIэщт, «Соколым» дешIэщт. Ащ ыуж шэкIогъум и 25-м Ижевскэ къэзыгъэлъэгъорэ «Университетым» IукIэщт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» — 22.
2. «ЦСКА» — 20.
3. «Лада» — 15.
4. «Астраханочка» — 14.
5. «Черноморочка» — 13.
6. «Звезда» — 13.
7. «Динамо-Синара» — 10.
8. «Кубань» — 9.
9. «Луч» — 7.
10. «АГУ-Адыиф» — 5.
11. «Уфа-Алиса» — 2.
12. «Университет» — 0.