БзэджэшIагъэ зезыхьагъэхэм пшъэдэкIыжь ягъэхьыгъэнымкIэ Федеральнэ къулыкъум и ГъэIорышIапIэу АР-м щыIэм ихьапсэу N 1-м иинспектор уголовнэ Iоф къыфызэ­Iуахыгъ.

Теуцожь районым ихьыкум участкэу N 1-м изэгъэ­шIужь хьыкумышI мы хьапсым иIофышIэу Мамыекъо Руслъан къуалъхьэ къаIихыгъэу ыгъэмысагъ.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофышIэхэм зэрагъэунэфыгъэмкIэ, хьапсым дэсхэм ащыщ иIахьылхэм сотовэ телефони 10 гъэбылъыгъэу IэкIагъэхьаным фэшI ахъщэ ыкIи нэмыкI мылъку къуалъхьэу Мамыекъо Р.М. къари­гъэтыгъ.
Теуцожь районым ихьыкум участкэу N 1-м изэгъэ­шIужь хьыкумышI шIокI зимыIэ IофшIэнхэр мэзи 6-рэ ыгъэцэкIэнхэу, илъэжьапкIэ ипроценти 10 хаубытыкIызэ къэралыгъом фагъэкIонэу ащ тырилъхьагъ.