Урысыем и Следственнэ комитет Адыгэ РеспубликэмкIэ иследственнэ гъэIорышIапIэ Тэхъутэмыкъое районымкIэ иследственнэ отдел Урысые Федерацием и Уголовнэ кодекс ия 238-рэ статья ия 2-рэ Iахь ипунктэу «в-м» зигугъу къышIырэ бзэджэшIагъэр зезыхьэгъэ, щынэгъончъагъэмкIэ шапхъэхэр ыукъозэ фэIо-фашIэхэр зыгъэцакIэщтыгъэ предпринимателым къыфызэIуахыгъэ уголовнэ Iофым изэхэфын ыухыгъ.

Следствием зэригъэунэфыгъэмкIэ, Тэхъутэмыкъое районым ит зыгъэпсэфыпIэхэм горэм изыгъэпскIыпIэ (бассейн) шъхьэихыгъэ 2025-рэ илъэсым имэкъ­у— огъу тхьамыкIагъо къыщыхъугъ, илъэси 3 зыныбжь пшъэшъэжъыер псым ытхьэлагъ.
Следствием зэрилъытагъэмкIэ, зыгъэпскIыпIэм ипащэ цIыфэу зызыгъэпсэфыхэрэм ящынэгъончъагъэкIэ ищыкIэгъэ амалхэр икъоу зэрихьагъэхэп — къэгъэнэжьэкIо-инструкторхэр зыгъэпскIыпIэм дэжь ренэу щытынхэ зэрэфаер ыгъэ­цэкIагъэп.
Уголовнэ Iофымрэ Тэхъутэмыкъое районым ипрокурор зэфэхьысыжьэу ышIыгъэмрэ хьыкумым IэкIагъэхьагъэх.