Грознэм щыкIуагъ
Кощхьэблэ районым испортсменхэм тхэквондомкIэ Урысые зэнэкъокъухэу къалэу Грознэм щыкIуагъэхэм медальхэр къащахьыгъэх.
Чэчэн Республикэм икъэлэ шъхьаIэ Урысыем и Кубок икъыдэхын, турнирэу «Урысыем иныбжьыкIэгъу» ыкIи шъо зэфэшъхьаф зиIэ бгырыпххэм яфестиваль щыкIуагъэх.
Урысыем ишъолъыр 57-мэ къарыкIыгъэ спортсмен 1370-мэ заушэтыгъ. Программэм лъэныкъуиплI къыдыхэлъытэгъагъ: «масоги», «стоп-балл спарринг», «хьенг» зыфиIохэрэр, хэушъхьафыкIыгъэ техникэр.
Кощхьэблэ районым икIэлэцIыкIу-ныбжьыкIэ спорт еджапIэ зыщызыгъасэхэрэм команднэ зэнэкъокъухэм джэрз медальхэр къащадахыгъэх. София Старченкэм хагъэунэфыкIырэ чIыпIитIу, джащ фэдэу Вэрэкъо Руслъанрэ Захар Соломкэрэ джэрз медальхэр къахьыгъэх.