СамбэмкIэ дунаим гъогогъу 11-рэ ичемпионэу Хьасанэкъо Мурат ишIухьафтынхэр зэрылъ Урысые зэнэкъокъухэу Мыекъуапэ щызэхащэщтхэм илъэс 15 – 17 зыныбжьыхэр ахэлэжьэщтых. Къащэчырэм елъытыгъэу ахэр купи 9-у гощыгъэщтых, текIоныгъэм ыкIи хагъэунэфыкIырэ чIыпIэхэм афэбэнэщтых.

Iофтхьабзэр шэкIогъум и 15-м сыхьатыр 10-м спорт комплексэу «Ошъутенэм» къыщызэIуахыщт. Финал зэIукIэгъухэр сыхьатыр 4-м рагъэжьэщтых.
Турнирым ипшъэрылъыр мы спорт лъэпкъым пыщагъэхэм япчъа­гъэ нахьыбэ шIыгъэныр, ащ хэлажьэхэрэм яIэпэIэсэныгъэ хагъэхъо­ныр, ныбджэгъу зэфыщытыкIэхэр гъэпытэгъэнхэр ары. Джащ фэдэу къызтефэхэрэм спорт разрядхэр афагъэшъошэщтых, самбэмкIэ Урысыем ипервенствэу 2026-рэ илъэсым зэхащэщтым хэлэжьэщтхэм ащыщхэр къыщыхахыщтых.