Республикэ футбольнэ еджапIэм 2015-рэ ыкIи 2017-рэ илъэсхэм къэхъугъэхэм апае спорт Iофтхьэбзэшхо зэхищагъ. Ащ командэ 16 хэлэжьагъ, ахэр купитIоу гощыгъагъэх.

Сыхьатихрэ футболист ныбжьыкIэхэр зэнэкъокъугъэх, зэфэхьысыжьхэм ялъытыгъэу куп пэпчъ текIоныгъэр ыкIи хагъэунэфыкIырэ чIыпIэхэр къащыдэзыхыгъэхэр къэнэфагъэх. 2017-рэ илъэсым къэ­хъугъэхэмкIэ пэрытныгъэр зыубытыгъэр Мыекъуапэ икомандэу «Насып-17» зыфиIорэр ары. ЯтIонэрэ чIыпIэр «Троям» къыдихыгъ, Псыфабэ и «Юность» ящэнэрэ хъугъэ.
2015-рэ илъэсым къэхъугъэхэм язэнэкъокъу текIоныгъэр къыщыдихыгъ «Зэкъошныгъ-1-м», «Фениксым» (Хъыдыжъ) ятIонэрэ чIыпIэр фагъэшъошагъ, Псыфабэ икомандэ ящэнэрэ.