ХагъэунэфыкIырэ чIыпIих къыдахыгъ
Теннис цIыкIумкIэ зэнэкъокъоу Апшеронскэ районым щыкIуагъэм Мыекъуапэ испортсменхэм хагъэунэфыкIырэ чIыпIих къыщыдахыгъ.
Теннисист ныбжьыкIэхэр къутырэу Николаенкэм щызэнэкъокъугъэх, ахэм аныбжь илъэс 13-м шIокIыщтыгъэп. Апшеронскэ, Шытхьалэ, Мыекъуапэ, къутырэу Николаенкэм, къуаджэу Нэшъукъуае ыкIи Хъыдыжъ ялIыкIохэр ары зызыушэтыгъэхэр. Нэбгырэ пэпчъ зэIукIэгъуихым щегъэжьагъэу блым нэс иIагъ. НахьыкIэхэм якуп пэрытныгъэр щиубытыгъ Матвей Гончаровым. ПшъашъэхэмкIэ Бзаго Даринэ ятIонэрэ чIыпIэр къыфагъэшъошагъ. Нахьыжъхэм якуп Бзаго Дамир текIоныгъэр къыщыдихыгъ, Кирилл Панькиныр ящэнэрэ хъугъэ.
Зэнэкъокъум иятIонэрэ мафэ фаехэм зэкIэми заушэтын амал яIагъ, ныбжьымкIэ пэрыохъу щыIагъэп. Мыекъуапэ къэзыгъэлъэгъогъэ Александр Воронцовым дышъэ медаль, Дмитрий Гончаровым ящэнэрэ чIыпIэр къахьыгъ.