Мыекъопэ гарнизоным идзэ прокуратурэ Адыгэ Республикэм идзэ комиссариат щызэхищэгъэ уплъэкIуным нафэ къышIыгъ хэушъхьафыкIыгъэ дзэ операцием хэлажьэхэрэм къатефэрэ ахъщэр къаIукIэнымкIэ фитыныгъэу яIэр укъуагъэ зэрэхъурэр.

Дзэ къулыкъушIэм янэ зигугъу къэтшIыгъэ дзэ комиссариатым тхыгъэкIэ зыкъыфигъэзагъ. ХэушъхьафыкIыгъэ дзэ операциер зыщыкIорэ чIыпIэм зэрэщыфыкъуагъэм къыхэкIэу страховой ыкIи зэтыгъо ахъщэр икIалэ къыIукIэнымкIэ фитыныгъэу иIэр къыдэлъытэгъэн зэрэфаем ар фэгъэхьыгъагъ.
Дзэ комиссариатым IэнатIэхэр щызыIыгъхэр гугъу зэремылIыгъэхэм къыхэкIэу лъэIу тхылъым икопиехэр Къэралыгъо фондэу «Хэгъэгум иухъумакIохэр» зыфиIорэм Адыгэ РеспубликэмкIэ икъутамэрэ дзэ частымрэ анэсыгъэп.
УплъэкIуным икIэуххэм атетэу Адыгэ Республикэм идзэ комиссар фагъэпытагъ хабзэр зэраукъуагъэр дигъэзыжьынэу. Дзэ къулыкъушIэм ифитыныгъэхэр зыпкъ рагъэуцожьыгъэх, ахъщэу къытефэрэри IэкIагъэхьажьыгъ.