ЦIыфым иахъщэ пIэлъэ кIыхьэкIэ банкым щызэIуигъэкIэным фэгъэхьыгъэ программэм (Программа долгосрочных сбережений) 2024-рэ илъэсым ищылэ мазэ и 1-м къыщыублагъ кIуачIэ иIэ зыхъугъэр.

Ащ къызэрэщыдэлъытагъэмкIэ, цIыфым хэушъхьафыкIыгъэу банкым счет къыщызэ­Iуихынышъ, иахъщэ ригъэхьан ылъэкIыщт, ипенсиеу зэIукIагъэри ащ ыгъэкIон фит. Ащ къэралыгъом инвестицие къыхилъхьэзэ, хахъо ригъэшIыщт. Программэм фэгъэхьыгъэ хэбзэгъэуцугъэм къызэрэщиIорэмкIэ, цIыфым счетым иахъщэу ригъэхьагъэр зыфэдизым къыпкъырыкIхэзэ сомэ мин 36-м нэсэу къыхагъэ­хъощт.
Ащ нэмыкIэу, ахъщэу банкым илъым ипроцент 13-м хэбзэIахьхэмкIэ къулыкъум къыригъэгъэзэжьыщт. Ар сомэ 52-м нэсы.
Мы программэр егъэзыгъэ Iофэу щытэп, шIоигъоныгъэ зиIэр ары хэлэжьэн зылъэкIыщтыр, ау илъэс 15-м къыщымыкIэу пIалъэ пылъ. Хэлэжьэнэу изыхъухьагъэм мысатыу фондэу ипенсие зыщызэIукIэрэм зэзэгъыны­гъэм дыкIэтхэн фае.
ЦIыфым иахъщэ пIэлъэ кIыхьэкIэ банкым ритынышъ, щызэIуигъэкIэным фэгъэхьыгъэ программэр псэупIэ, автомашинэ, нэмыкIэу ахъщэшхо зытефэщт къэзыщэфымэ, ипенсие нахьыбэу зэIукIэмэ, исабыйхэм яегъэджэн пае ахъщэ зыгъэтIылъымэ зышIоигъохэмкIэ хэкIыпIэ дэгъу.