СамбэмкIэ Къыблэ федеральнэ шъолъырым ипервенствэ шэкIогъум и 5-м къыщегъэжьагъэу и 7-м нэс Ермэлхьаблэ щыкIуагъ.

Илъэс 16 – 18 зыныбжь кIалэхэм ыкIи пшъашъэхэм заушэтыгъ. Спортсмени 150-м ехъу хагъэунэфыкIырэ чIыпIэхэм афэбэнагъэх.
Адыгеим илIыкIохэу Къанэкъо Салим, Цэй Алый, Цундышкэ Ислъам, ЦIыкIу Аскэр, Джарымэ Ибрахьим текIоныгъэр къыдахыгъ. Ныбэ Аслъан, Хьабэхъу Салбый, Шъэумэн Якъуб ятIонэрэ хъугъэх. Къэрэбаш Заурбый, Къайтмэс Тамерлан, Денис Фролкиным ящэнэрэ чIыпIэр къахьыгъ.
Тиспортсменхэм ыкIи ахэм ятренерхэм тафэгушIо.