Шы спортымкIэ Адыгеим ичемпионатэу «ПРОБЕГИ — LL» зыфиIорэр Теуцожь районым икъуаджэу Пэнэжьыкъуае щыкIуагъ. Турнирым хэлэжьагъэх Адыгеим, Къэбэртэе-Бэлъкъарым,
Темыр Осетием — Аланием, Краснодар ыкIи Ставрополь крайхэм ялIыкIохэр.

Зэнэкъокъум зыщызыушэтыгъэхэм ягъогууанэ зэфэшъхьафыгъ: километрэ 20, 40, 80 ыкIи 100. Километрэ 20 къэзычъыгъэ­хэм ащытекIуагъ Краснодар краир къэзыгъэлъэгъогъэ Алима Курманалиевар, ар шэу Улан тесыгъ. Километрэ 40 зэрылъ гъогууанэм анахь щылъэшыгъ Тхьакъохъо Зураб зытесыгъэ шэу Азан. Километрэ 80-м пэрытныгъэ щызыубытыгъэхэм ахэфа­гъэп Адыгеим ичемпионэу Цуекъо Рустам, ау ухьазырыныгъэ дэгъу къыгъэлъэгъуагъ. Мыщ текIоныгъэр къыщыдихыгъ Ставрополь краим илIыкIоу Екатерина Вицкаям, ар шэу Акустикэм тесыгъ. Къызэдэчъэн шъхьаIэм — «Чэ­чэ­най и Кубок» икъыдэхын апэрэ чIыпIэр щиубытыгъ Къэбэртэе- Бэлъкъарым испортсменэу Жэмбей Салим, мы шъолъырым илIыкIоу Зухъэ Замир ятIонэрэ хъугъэ, Темыр Осетием — Аланием къи­кIыгъэ Анастасия Грачевам ящэнэрэ чIыпIэр фагъэшъошагъ.
ШIухьафтын фондыр сомэ мин 350-рэ хъущтыгъ.