ГандболымкIэ къэралы­гъом изэнэкъокъу ­хэлэжьэрэ «АГУ-­Адыиф-2-м» Уфа ыкIи Ижевскэ ащыриIэгъэ ешIэгъуиплIым те­кIоныгъэхэр къащыди­хыгъ.

Тикомандэ «СШ N 13 «Алиса» ыкIи «СШОР N 5-Университет-2» зыфиIохэрэм аде­шIагъ.
Типшъашъэхэр Уфа илIыкIохэм 38:18-у ыкIи 42:25-у, Ижевскэ игандболисткэхэм 34:24-у ыкIи 36:18-у атекIуагъэх. Аужырэ зэIукIэгъум тикомандэ иешIэкIо анахь лъэшэу Елизавета Зарецкаям гъогогъуи 10, Бзэджэжъыкъо Заринэ гъогогъуи 9 къэлапчъэм Iэгуаор дадзагъ. Джащ фэдэу тикъэлэпчъэIутэу Вероника Левшинар цыхьэшIэгъоу ешIагъ, Iэгоо 18-у къадзыгъэм щыщэу 11-р къызэкIидзэжьыгъ.
Мы гъэхъагъэхэм яшIуагъэкIэ тикомандэ турнир таблицэм къыщыдэкIоягъ. КъыкIэлъыкIощт ешIэгъухэр «Ростов-Дон-3-УОР» зыфиIорэм дыриIэщтых.

Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «ЦСКА-2-МССУОР N 2» (Москва) — 32.
2. «Астраханочка-СШОР» (Астрахань) — 25.
3. «СК КК-Черноморочка» (Новороссийск) — 24.
4. «Кубань-2-СШ «Академия гандбола» (Краснодар) — 23.
5. «Динамо-Синара-2» (Волгоград) — 22.
6. «Лада-СШОР» (Тольятти) — 20.
7. «Звезда-2» (Московскэ хэку) — 13.
8. «Ростов-Дон-3-УОР» (Ростов-на-Дону) – 12.
9. «Луч-2» (Москва) — 11.
10. «АГУ-Адыиф-2» (Мыекъуапэ) — 10.
11. «СШОР N 5-Университет-2» (Ижевск) — 0.
12. «СШ N 13 «Алиса» (Уфа) — 0.