Урысыем ихьыкум пристав и Мафэ фэгъэхьыгъэ мэфэкI зэха­хьэ Мыекъуапэ щыкIуагъ. Мы къулыкъум иинститут зызэхащагъэр мыгъэ илъэси 160-рэ хъугъэ.

Iофтхьабзэм хэлэжьагъэх Адыгэ Рес­публикэм иминистрэхэм я Кабинет и Тхьаматэ игуадзэу, финансхэмкIэ министрэу Виктор Орловыр, АР-м и Къэралыгъо Совет — Хасэм и Тхьаматэу Владимир Нарожнэр, хьыкум ыкIи хэ­бзэухъумэкIо къулыкъухэм япащэхэр, нэмыкIхэри.
Виктор Орловым пэублэ псалъэ къы­шIызэ, зисэнэхьат мэфэкI хэзыгъэунэфыкIыхэрэм Адыгеим и ЛIышъхьэу КъумпIыл Мурат ыцIэкIэ къафэгушIуагъ. Хьыкум приставхэм я Федеральнэ къулыкъу и ГъэIорышIапIэу респуб­ликэм щыIэм шъолъырым иэкономикэ зыпкъитыныгъэ иIэным, хэхъоныгъэхэр ышIынхэм иIахьышIу зэрахэлъыр къыхигъэщыгъ.
ГъэIорышIапIэм ипащэу, Адыгеим ихьыкум пристав шъхьаIэу Александр Ихно иIофшIэгъухэм, къулыкъум иветеранхэм къафэгушIуагъ, тапэкIэ гъэхъэ­гъэшIухэр ашIынхэу къафэлъэIуагъ.
Адыгеим и ЛIышъхьэ ыкIи АР-м и Къэралыгъо Совет — Хасэм ярэзэныгъэ тхылъхэр нэбгыри 7-мэ афагъэшъошагъ. Джащ фэдэу хьыкум приставхэм я Федеральнэ къулыкъу итынхэр IофышIэ 40-м ехъумэ къалэжьыгъ.
Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.