ФутболымкIэ Урысыем изэнэ­къокъу иятIонэрэ лигэ икупэу «1Б-м» хэт Мыекъопэ «Зэкъошны­гъэм» я 7-рэ турым къыдыхэлъытагъэу мы мафэ­хэм Назрань икомандэу «Ангушт» дешIагъ ыкIи текIоныгъэр къыдихыгъ.

«Назрань» — «Зэкъошныгъ» — 1:2 (0:2).
Къэлапчъэм Iэгуаор дэзыдза­гъэхэр: А. Делэкъор (я 27-рэ такъикъым), Г. Абдуллаевыр (я 28-рэ такъикъым), Р. Ибрагимовыр (я 64-рэ такъикъым).
«Ангушт» хэтыгъэх: А. Дорси­говыр (къэлэпчъэIут), Т. Гирзишевыр, А. Осмаевыр, А. Абу­бакаровыр, А. Гарисултановыр, А. Хамхоевыр, А. Ахильговыр, Ш. Юсуповыр (И. Таркоевыр), Р. Чаадаевыр (А. Экажевыр), Р. Тутаевыр, Р. Ибрагимовыр.
Тренер шъхьаIэр — У. Мархиевыр.
«Зэкъошныгъэм» щешIагъэх: Т. Хачировыр (къэлэпчъэIут), Т. Мохбалиевыр, У. Магомедбековыр (П. Сотниковыр), С. Чер­джиевыр, Э. Цанава, К. Юшко, К. Антонец, Т. Хьэхыр (Д. Ширковскэр, Т. Едыджыр), Г. Абдуллаевыр (Д. Антоненкэр), А. Де­лэкъор, Е. Рагулькиныр.
Тренер шъхьаIэр — С. Мирошниченкэр.
Купэу «1Б-м» апэрэ чIыпIэр щиубытыным ыкIи Урысыем ипервенствэ я 7-рэ щыхъуным апае «Зэкъошныгъэм» текIоныгъэр къыдихын фэягъ. А пшъэрылъыр футболистхэм дэгъоу агъэцэкIагъ. Я 27-рэ такъикъым Делэкъо Аскэр къэлапчъэм Iэгуаор дидзагъ.
Зы такъикъ тешIагъэу Гаджимурад Абдуллаевым пчъагъэм хигъэ­хъуагъ. Ащ ыуж тикомандэ иешIакIэ тIэкIу нахь ыгъэIэсагъ. Я 64-рэ такъикъым «Ангушт» хэт Рамазан Ибрагимовым къэлап­чъэм Iэгуаор дидзагъ, пчъагъэр 1:2 хъугъэ. Ащ тетэу зэIукIэгъур аухыгъ.
Я 7-рэ турым изэфэхьысыжьхэр:
«Ангушт» — «Зэкъошныгъ» — 1:2, «Рубин Ялта» — «Динамо-2» — 5:2, «Легион» — «Астрахань» — 1:0, «Спартак-Налщык» — «Шъачэ-2» — 0:0.
Командэхэр зыдэщыт чIыпIэхэр ыкIи очко пчъагъэу ­рагъэкъугъэр:

1. «Зэкъошныгъ» — 53.
2. «Астрахань» — 52.
3. «Шъачэ-2» — 46.
4. «Рубин Ялта» — 43.
5. «Легион» — 36.
6. «Ангушт» — 31.
7. «Спартак-Налщык» — 26.
8. «Динамо-2» — 5.