Урысыем щынэгъончъэнымкIэ и Федеральнэ къулыкъу АдыгеимкIэ и ГъэIорышIапIэ макъэ къегъэIу украинскэ хэушъхьафыкIыгъэ къулыкъухэм шъэфзэщыгъэкъо-террористическэ шIыкIакIэхэр агъэфедэхэ зэрэхъугъэм фэгъэхьыгъэу.

Украинэм щынэгъончъэнымкIэ икъулыкъу, Украинэм зыкъэухъумэжьынымкIэ и Министерствэ иразведкэ ШъхьаIэ игъэIорышIапIэ, джащ фэдэу украин националистическэ зэхэтхэр Урысыем ицIыфхэр къэгъэон Iофхэм ахагъэлэжьэнхэу къапэхьэх, пенсионерхэмрэ зы­ныбжь имыкъугъэхэмрэ ахэм ащыщых. Ушъхьагъу зэфэшъхьафхэмкIэ хэщагъэхэм пыим къыхихыгъэхэм аратын фае къэо-
рэ пкъыгъохэу хьап-щып теплъэ зэфэшъхьафхэр зиIэхэр. ЗэрагъэнафэрэмкIэ, араты пэтэу пкъыгъор къао ыкIи зэратырэм имызакъоу, езытырэри «псэ зыпыт бомбэу» ащ къыдэо.
Республикэм щыпсэухэрэм тыкъяджэ сакъыныгъэ къызхагъэфэнэу, зарамыгъэ­гъэблынэу, къэкIопIэ зэфэшъхьафхэмкIэ къаIэкIэхьэгъэ къэбархэр ауплъэкIу­жьынхэу ыкIи ахэгупшысыхьанхэу, амы­шIэрэ цIыфхэр ИнтернетымкIи, телефонымкIи пыщэгъу амышIынхэу. Ныбжь хэкIотагъэ зиIэхэмрэ зыныбжь имыкъу­гъэхэмрэ шъуадэгущыIэн ыкIи къагурыжъугъэIон фае террористическэ Iоф­хэм ахамыщэнхэм, зэкъодзакIохэм ащыухъумэгъэнхэм апае. Шъугу къэтэгъэкIыжьы хэушъхьафыкIыгъэ, хэбзэу­хъумэкIо къулыкъухэм, къэралыгъо ыкIи муниципальнэ хабзэм ялIыкIохэр, Урысые Федерацием ичIыфэ-финанс ор­ганизациехэм яIофышIэхэр телефонкIэ зэрэтемыохэрэр е интернет-мессенджерхэр къызэрэзыфамыгъэфедэхэрэр ахъщэр щынэгъончъэ счетым ишъу­лъхьаным къыфэджэнхэм пае, джащ фэдэу курьерхэм е нэмыкI цIыфхэм къяшъутынэу.
УФ-м щынэгъончъэнымкIэ
и Федеральнэ къулыкъу АдыгеимкIэ и ГъэIорышIапIэ ипресс-къулыкъу