Теннис цIыкIумкIэ Адыгэ Респуб­ликэм ипервенствэ Адыгэкъалэ щыкIуагъ.

Зыныбжь илъэс 16-м емыхъугъэ спортсменхэр ары зызыушэтыгъэхэр. Шъолъырым имуниципалитети 5-мэ ялIыкIохэр зэнэкъокъугъэх.
Анахьэу къахэщыгъэхэр Мыекъуапэ испорт­смен ныбжьыкIэхэр ары. Республикэм икъэлэ шъхьаIэ къэзыгъэлъэгъогъэхэ Артем Вариводинымрэ Вероника Ивановамрэ текIоныгъэр къыдахыгъ. Спорт еджапIэу С. М. Джэнчатэм ыцIэ зыхьырэм ахэм зыщагъасэ. Тыжьын медальхэр къафагъэшъошагъэх Добрыня Чагаевым (Тэхъутэмыкъое район) ыкIи Блэгъожъ Динарэ (Теуцожь район). Ящэнэрэ чIыпIэр къахьыгъ Бгъошэ Зауррэ София Рычковамрэ (тIури Мыекъуапэ).
Зыныбжь илъэс 20-м шIомыкIыгъэхэм язэнэкъокъу шэкIогъум и 23-м Адыгэкъалэ щырагъэкIокIыщт.