Урысыем ихьыкум приставхэм яинститут зызэхащагъэр илъэси 160-рэ зэрэхъурэм ипэгъокIэу ащ икъулыкъушIэхэр шIушIэ Iофтхьабзэм хэлэжьагъэх.

Мы мафэхэм хьыкум приставхэм я Федеральнэ къулыкъу Адыгэ РеспубликэмкIэ и ГъэIорышIапIэ иIофышIэхэр лъыр зыщахащырэ Адыгэ республикэ станцием щыIагъэх ыкIи лъыр атыгъ.
КъулыкъушIэхэр лъытыным зэрэхэлэжьагъэхэмкIэ медицинэм иIофышIэхэр афэрэзагъэх ыкIи псауныгъэ пытэ яIэнэу, гъэхъагъэхэр ашIынхэу ахэм афэ­лъэ­Iуагъэх.
Шъолъырым имедицинэ учреждениехэм ящыкIагъэ хъумэ агъэфедэн алъэ­кIыщт лъыр къулыкъушIи 10-м ехъумэ атыгъ.
Хьыкум приставхэм я Федеральнэ къулыкъу АдыгеимкIэ
и ГъэIорышIапIэ ипресс-къулыкъу.
­