Мэзибгъум изэфэхьысыжьхэр
2025-рэ илъэсым иапэрэ мэзибгъу Адыгэ Республикэм иреспубликэ бюджет сомэ миллион 17047,7-рэ хъурэ хэбзэIахь ыкIи мыхэбзэIахь хахъохэр къихьагъэх. Бюджетэу аухэсыгъэм ипроцент 73,3-рэ ар мэхъу. БлэкIыгъэ илъэсым джащ фэдэ илъэхъан егъэпшагъэмэ, проценти 107,2-кIэ ар агъэцэкIагъ. Сомэ миллион 1140-у бюджетым къихьагъэр нахьыбэмкIэ НДФЛ-м, организациехэм яфедэ тыралъхьэрэ хэбзэIахьым, тазырхэм къахэкIыгъ.
Мы илъэсым иапэрэ мэзибгъу сомэ миллион 315,6-рэ къягъэпщыныжьыгъэным тегъэпсыхьагъэу Iоф 13837-рэ хьыкум приставхэм я Федеральнэ къулыкъу Адыгэ РеспубликэмкIэ и ГъэIорышIапIэ иструктурнэ подразделениехэм къызэIуахыгъ.
Мы илъэсым чъэпыогъум и 1-м ехъулIэу сомэ миллион 211-рэ къягъэпщыныжьыгъэным епхыгъэ Iоф 9797-рэ зэхафынэу къафэнэжьыгъагъ.
Мэзибгъум къыкIоцI ГъэIорышIапIэм иструктурнэ подразделениехэм сомэ миллион 211,8-рэ хъурэ хэбзэIахьхэмкIэ чIыфэхэр къарагъэпщыныжьыгъэх, Iоф 10991-рэ ыкIэм нагъэсыгъ.
Мэзибгъум къыкIоцI сомэ миллиони 146,7-у къарагъэпщыныжьыгъэр ГъэIорышIапIэм иструктурнэ подразделениехэм Урысые Федерацием ибюджетхэм афагъэкIуагъ.