СамбэмкIэ дунаим ичемпионатэу Узбекистащ щыкIуагъэм Адыгэ Республикэм илIыкIоу Шъхьащэкъо Кимэ тыжьын медаль къыщихьыгъ. Зыныбжь илъэс 35-м ехъугъэ спортсмен IэпэIасэхэр Гупчэ Азием икъэлэ анахьыжъхэм ыкIи анахь дахэхэм ащыщэу Бухара щызэнэкъокъугъэх.

Адыгэкъалэ щыщ Шъхьащэкъо Кимэ килограмм 88-м нэс къэзыщэчыхэрэм якуп зыщиушэтыгъ. Мыщ хэтыгъэх илъэс 60 – 65-рэ зыныбжь спортсменхэр. Тибатыр финалым ихьагъ ыкIи ятIонэрэ чIыпIэр къыдихыгъ. Ащ къытекIуагъэр ыкIи чемпион хъугъэр Узбекистан илIыкIоу Феруз Агзамовыр ары.