Министерствэм «линие плъырым» Iоф щешIэ
Хэгъэгу кIоцI IофхэмкIэ Адыгэ Республикэм и Министерствэ икъулыкъушIэхэм адэлэжьэгъэнымкIэ и ГъэIорышIапIэ иIэкIоцI къулыкъухэм яIофышIэхэм ыкIи шъолъырым щыпсэухэрэм апае «линие плъырым» ителефон иIофшIэн зэхищагъ.
Ащ иномерыр: 8-999-449-21-87. Телефоныр зыфытегъэпсыхьагъэр:
— цIыфхэм, Адыгэ Республикэм иIэкIоцI къулыкъухэм яIофышIэхэм ыкIи якъулыкъушIэхэм, Урысые Федерацием ифедеральнэ, икъэралыгъо, игражданскэ къулыкъушIэхэр Адыгэ Республикэм и МВД аштэнхэм, ащ къулыкъу щахьыным шапхъэу пылъхэм акIэупчIэнхэм фэшI;
— IэкIоцI IофхэмкIэ къулыкъум аштэнхэу агъэнэфэгъэ кандидатхэм джэнджэшэгъу афэхъунхэм, зэзэгъыныгъэ зэрадашIыщт упчIэхэри ащ хэтхэу (илъэсым нэс пIалъэ иIэу), хэушъхьафыкIыгъэ пшъэрылъхэр агъэцэкIэнхэм пае, Урысые Федерацием ишъолъырыкIэхэм IэкIоцI IофхэмкIэ къулыкъухэм ахахьэхэмэ, джащ фэдэу ахэм
апэгъунэгъу субъектхэм ыкIи нэмыкI шъолъырхэм, зэкIэ сэнэхьатэу щыIэхэмкIэ, зэзэгъыныгъэ шIыкIэри зэрахэтэу, хэушъхьафыкIыгъэ пшъэрылъхэр агъэцэкIэнхэм фэшI.
«Линие плъырым» ителефон Iоф зэришIэрэр:
— блыпэм къыщегъэжьагъэу бэрэскэшхом нэс: пчэдыжьым сыхьатыр 9-м къыщыублагъэу пчыхьэм сыхьатыр 6-м нэс (зэпыугъор сыхьатыр 1-м щегъэжьагъэу 2-м нэс).
«Линие плъырым» ителефон къытеуагъэхэм яIофхэм хэгъэгу кIоцI IофхэмкIэ Адыгэ Республикэм и Министерствэ икъулыкъушIэхэм адэлэжьэгъэнымкIэ и ГъэIорышIапIэ иIофышIэхэр ахэплъэщтых, зэрагъэзэфэщтых. Джэуапхэр жэрыIокIэ араIожьыщтых.
Адыгэ Республикэм и МВД иофициальнэ сайт хэушъхьафыкIыгъэ нэкIубгъоу «Къулыкъум аштэх» зыфиIорэр къыщызэIуахыгъ (ар сайтым инэкIубгъо шъхьаIэ иджабгъу лъэныкъокIэ щыI), ащ IофшIэпIэ чIыпIэу щыIэхэр, шапхъэу ахэм апылъхэр, социальнэ фэгъэкIотэнэу къатыхэрэр, полицием къулыкъу щыпхьыным пае ищыкIагъэр, нэмыкIхэр ижъугъотэщтых.