Ветераным и МафэкIэ тыгу къыддеIэу тышъуфэгушIо!
Ти Хэгъэгу ихэхъоныгъэ зиIахьышхо хэзышIыхьэгъэ цIыфхэм лъэшэу тызэрафэразэр, лъытэныгъэ ин зэрафэтшIырэр непэ къэтэIо. ЯлIы­гъэрэ япсэемыблэжьыныгъэрэкIэ къыткIэхъухьэрэ лIэужхэм ахэр щысэтехыпIэу яIэщтых.
ТекIоныгъэшхом ия 80-рэ илъэс мыгъэ хэдгъэунэфыкIыгъ. Хэгъэгу зэошхом илъэхъан тидзэкIолIхэм лIыхъужъныгъэу зэрахьагъэр егъэшIэрэу цIыфхэм яшIэжь хэлъыщт. Я Хэгъэгу шIулъэгъоу фыряIагъэмкIэ, псэ­емыблэжьыныгъэу, пытагъэу ахэлъыгъэмкIэ ТекIоныгъэр къыдэзыхыгъэхэр ренэу щысэтехыпIэу щытыщтых.
Хэгъэгу зэошхом иветеранхэр я Хэгъэгу зэрэфэшъыпкъагъэхэм фэдэу Урысыем идзэкъулыкъушIэхэри Украинэм инеонацистхэм непэ ябэныжьых, ятэжъхэм ахэлъыгъэ хэбзэ шIагъохэр лъагъэкIуатэх, якъэралыгъо гупсэ къаухъумэ, тарихъ зэфагъэр зыпкъ рагъэуцожьы.
Ветераным и Мафэ амалышIу тиI тихэгъэгу илIыхъужъ тарихъ тыгу къэдгъэкIыжьынэу, тикъэралыгъошхо игъэпсын зиIахь хэзышIыхьагъэхэм тызэрафэразэр къэтIонэу.
Ветеран лъапIэхэр, неущырэ мафэр нахь дахэ хъунымкIэ зэшIошъу­хыгъэ Iоф пстэуми апае «тхьаегъэпсэушхо» шъотэIо.
Псауныгъэ пытэ, насып шъуиIэнэу, шъуигъашIэ кIыхьэ хъунэу, гушIуа­гъорэ хъярырэ къышъобэкIэу шъущыIэнэу, жъышъхьэ мафэ шъу­хъунэу тыгу къыддеIэу тышъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет – Хасэм и Тхьаматэу
Владимир Нарожнэр