ЗэIукIэгъухэм зафегъэхьазыры
БаскетболымкIэ Урысыем ичемпионат иапшъэрэ лигэ хэт «Динамо-МГТУ-м» Мыекъуапэ щыриIэщт ешIэгъухэм зафегъэхьазыры.
ШэкIогъум и 1-м ыкIи и 2-м тихьакIэщт Тобольскэ икомандэу «Нефтехимикыр». ЗэIукIэгъуитIури мафэм сыхьатыр 2-м рагъэжьэщтых.
Мыщ ыпэкIэ «Динамо-МГТУ-р» Ставрополь икомандэу «Южный слон-СКФУ» зыфиIорэм тIогъогогъо дешIагъ. Артем Гапошиныр зипэщэ тикомандэ зэIукIэгъуитIуми текIоныгъэр къащыдихыгъ. Апэрэм — 89:83-у, ятIонэрэм 78:59-у. «Динамо-МГТУ-м» щешIэрэ Яросалав Запорожец командэм очко 41-рэ къыфихьыгъ.