Обществэу «Динамо» зыфиIорэм самбэмкIэ зэхищэгъэ Урысые зэнэкъокъухэр къалэу Анапэ щыкIуагъэх. Адыгеим иполицейскэхэм мыщ зэрифэшъуашэу зыкъыщагъэлъэгъуагъ ыкIи анахь дэгъухэм ащыщ хъугъэх. Турнирым бзылъфыгъэхэри хъулъфыгъэхэри хэлэжьагъэх.

Къэралыгъом ишъолъыр 23-мэ къарыкIыгъэ спортсмен 306-мэ заушэтыгъ. Команднэ зэнэкъокъухэм текIоныгъэр къащыдахыгъ Краснодар краим, Вологодскэ хэкум ыкIи Адыгэ Республикэм. Олимпийскэ резервым испорт еджапIэ зыщызыгъэсэрэ Батмэн Амин килограмм 53-м нэс къэзыщэчыхэрэм якуп хэтыгъ. Тиспортсмен ухьазырыныгъэ дэгъу къыгъэлъэгъуагъ, тыжьын медаль къыфагъэшъошагъ.