Тэхъутэмыкъое районым щыпсэурэ хъулъфыгъэм кIэлэ­пIупкIэр игъом зэримытырэм къыхэкIэу сомэ миллиони 2-рэ мин 450-рэ чIыфэу зэIуигъэкIагъ.

Мыщ лажьэ зэриIэр ыпэкIэ хьыкумым ыгъэунэфыгъ ыкIи мэзи 8-м телъытэгъэ шIокI зимыIэ IофшIэнхэр ыгъэцэкIэнхэу пшъэдэкIыжь тырилъхьагъ. А уахътэм лэжьапкIэу къыхьырэм ипроценти 10 къэралыгъом фэкIонэу щытыгъ. Ау хьыкумым унашъоу ышIыгъэр зэримыгъэцакIэрэм къыхэкIэу федеральнэ лъы­хъуным ратыгъагъ.

2025-рэ илъэсым чъэпыогъум и 16-м хьыкум приставым ипшъэрылъ ыгъэцакIэзэ чIыфэр зытелъыр зыдэщыIэр ыгъэунэфын ылъэкIыгъ, нэужым ар къаубытыгъ. Хъулъфыгъэр ащ къемы­зэгъэу хэбзэухъумакIом къыпэуцужьыгъ, ащ къыхэкIыкIэ административнэ пшъэ­дэкIыжь ыхьынэу тыралъхьагъ.

Урысыем хэгъэгу кIоцI IофхэмкIэ и Министерствэ иотделэу Тэхъутэмыкъое районым щыIэм икъулыкъушIэхэм хъулъ­фыгъэр аIэкIагъэхьагъ.