ЩынэгъончъэнымкIэ Федеральнэ къулы­къум АР-мкIэ и ГъэIорышIапIэ наркотик­хэр зыщашIырэ лабораторие Теуцожь районым щагъэпсыгъэу къычIигъэщыгъ.

Ханты-Мансийскэ автономнэ хэкум — Югра къи­кIыгъэу Адыгэ Республикэм и Теуцожь район щы­псэурэ нэбгыритIумэ наркотик зыхэлъ пкъыгъохэр бэ хъоу ашIыщтыгъэх. Лабораториеу ахэм агъэпсыгъэр къызалъыхъум «мефедронкIэ» заджэхэрэ наркотик килограмм 1,054-рэ ыкIи ащ ишIын пае агъэфедэрэ реагент литрэ 400-м ехъу къагъотыгъ.

ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ следствиехэмкIэ иотделение Уголовнэ кодексым ия 228.1-рэ статья ия 5-рэ Iахь диштэу уголовнэ Iоф къызэIуихыгъ. ХъулъфыгъитIум илъэс 20-м нэсэу хьапс атыралъхьанэу ащ къыщыдэлъы­тагъ.
Мы уахътэм зэхэфынхэр макIох.