ФутболымкIэ Урысыем изэнэкъокъу иятIонэрэ лигэ икупэу «1Б-м» хэт Мыекъопэ «Зэкъошныгъэм» я 6-рэ турым къыдыхэлъытагъэу мы мафэхэм Махачкала икомандэу «Легионым» дешIагъ ыкIи текIоныгъэр къыдихыгъ.

«Зэкъошныгъ» — «Легион» — 3:0 (3:0).
Къэлапчъэм Iэгуар дэзыдзагъэхэр: Г. Абдуллаевыр (я 27-рэ ыкIи я 44-рэ такъикъхэм), К. Юшко (я 45+-рэ такъикъым).
«Зэкъошныгъэм» щешIагъэх: Т. Хачировыр (къэлэпчъэIут), С. Черджиевыр, Э. Цанава, К. Юшко, Т. Хьэхыр (П. Сотниковыр), Е. Рагулькиныр, Т. Мохбалиевыр (Д. Ширковскэр), У. Магомедбековыр, А. Делэкъор (Т. Едыджыр), К. Антонец, Г. Абдуллаевыр.
Тренер шъхьаIэр — С. Мирошниченкэр.
«Легионым» хэтыгъэх: Л. Алим, К. Гуровыр (къэлэпчъэIутых), Ш. Гасановыр, М. Ибрагимовыр, Д. Ипаевыр, А. Курбалиевыр, К. Перелетовыр, А. Магомедовыр, А. Ереминыр, Б. Гамзатовыр, Р. Климановыр, М. Пирмагомедовыр (И. Магомедовыр).
«Зэкъошныгъэм» ешIэкIэ дэгъу къыгъэлъэгъуагъ. Я 27-рэ такъи­къым Гаджимурад Абдуллаевым пенальти къылэжьыгъ ыкIи ар ежь ыгъэцакIи, къэлапчъэм Iэгуа­ор дидзагъ. ХьакIэхэм яфутболистэу шапхъэхэр зыукъуагъэр ешIапIэм рагъэкIыгъ. Я 44-рэ такъикъым Гаджимурад ятIонэрэу Iэгуаор къэлапчъэм дидзагъ, пчъагъэр 2:0 хъугъэ. Апэрэ едзы­гъор амыухызэ бысымхэм джыри зэ пчъагъэм хагъэхъуагъ. ЯтIонэрэ таймым ар зэблэхъугъэ хъугъэп, 3:0-у тикомандэ текIоныгъэр къы­дихыгъ.
— ЕшIэгъум еплъынэу къекIолIагъэхэм сафэраз, ахэр лъэшэу IэпыIэгъу къытфэхъугъэх. Командэр дэгъоу джэгугъэ, ифэ­шъуашэу текIоныгъэр къы­дихыгъ, — къыIуагъ «Зэ­къошныгъэм» итренер шъхьаIэу Сергей Мирошниченкэм.
Я 6-рэ турым изэфэхьысыжьхэр:
«Зэкъошныгъ» — «Легион» — 3:0, «Астрахань» — «Рубин Ялта» — 2:1, «Динамо-2» — «Спартак-Налщык» — 0:1, «Шъа­чэ-2» — «Ангушт» — 1:0.
Командэхэр зыдэщыт чIыпIэхэр ыкIи очко пчъагъэу ра­гъэкъугъэр:

1. «Астрахань» — 52.
2. «Зэкъошныгъ» — 50.
3. «Шъачэ-2» — 45.
4. «Рубин Ялта» — 40.
5. «Легион» — 33.
6. «Ангушт» — 31.
7. «Спартак-Налщык» — 25.
8. «Динамо-2» — 5.