Шъолъыр 11-мэ ялIыкIохэр хэлажьэх
Теннис цIыкIумкIэ Адыгэ Республикэм изэIухыгъэ турнирэу «Урысыем инеущырэ маф» зыфиIорэр непэ Мыекъуапэ щызэфашIыжьыщт. Мыгъэ мыр ятфэнэрэу рагъэкIокIы. Зыныбжь илъэс 12-м, 14-м ыкIи 18-м емыхъугъэхэр ащ хэлажьэх.
Урысыем и Къыблэ ишъолъыр 11-мэ ялIыкIохэр ары зызыушэтыхэрэр. АнахьыкIэхэм якуп текIоныгъэр къыщыдахыгъ Тигран Джумаянрэ (Пятигорск) Мария Платоновамрэ (Ставрополь). Зыныбжь илъэс 14-м емыхъугъэхэм ащытекIуагъэх Хъан Батыррэ (Налщык) Вероника Сидоровамрэ (Ставрополь),
Адыгеир зэнэкъокъум къыщагъэлъагъо спортсмен 50 фэдизмэ. Ахэр Мыекъуапэ, Адыгэкъалэ, Красногвардейскэ, Мыекъопэ, Тэхъутэмыкъое ыкIи Теуцожь районхэм ялIыкIох.
Унэе зэнэкъокъухэм тиспортсменхэм хагъэунэфыкIырэ чIыпIэхэр къащыдахыгъэхэп. Артем Вариводиным я 4-рэ чIыпIэр къыфагъэшъошагъ, Бзаго Дамир я 5-рэ хъугъэ. Турнирым зэкIэмкIи нэбгырэ 400 фэдиз хэлажьэ. Зыныбжь илъэс 18-м емыхъугъэхэм якуп анахь щылъэшхэр непэ къэнэфэщтых.