Адыгэ Республикэм и Къэралыгъо Совет — Хасэм ия 49-рэ зэхэсыгъо 2025-рэ илъэсым чъэпыогъум и 29-м щыIэщт.

ЗытегущыIэщтхэм мы къыкIэлъыкIо­хэрэр ахагъэхьагъэх: законопроектхэу «Адыгэ Республикэм IофшIэнымкIэ ибэдзэр зэрэзэхэщагъэм инэшэнэ шъхьа­Iэхэр къэзгъэлъэгъорэ коэффициентыр 2026-рэ илъэсымкIэ гъэнэфэгъэным ехьылIагъ» зыфиIорэр, Адыгэ Респуб­ликэм и Законхэу «Къолъхьэ тын-Iыхынхэм апэуцужьыгъэнымкIэ Iофтхьабзэхэм яхьылIагъ», «Адыгэ Республикэм бюджет Iофыр зэрэщыгъэпсыгъэм ехьылIагъ», «Зыми къымыгъэгъунэрэ псэушъхьэхэм зэрадэзекIощтхэмкIэ Iофтхьабзэхэм язэ­хэщэн къыпкъырыкIырэ полномочиехэр чIыпIэ зыгъэIорышIэжьыным икъулыкъу­хэм афэгъэзэгъэнхэм ехьылIагъ», «Культурэ мэхьанэ зиIэ псэуалъэхэр къэухъу­мэгъэнхэмкIэ Iофыгъо заулэхэм язэшIо­хын ехьылIагъ», «Тыкъэзыуцухьэрэ ду­наим икъэухъумэнкIэ Адыгэ Респуб­ликэм икъэралыгъо хабзэ икъулыкъухэм яполномочиехэм яхьылIагъ» зыфиIохэрэм зэхъокIыныгъэхэр афэшIы­гъэнхэм епхыгъэу щытхэм апэрэу ахэп­лъэгъэныр ыкIи нэмыкI Iофыгъохэр.
Адыгэ Республикэм и Къэралыгъо Совет – Хасэм изэхэсыгъо пчэдыжьым сыхьатыр 10-м аублэщт. Адыгэ Респуб­ликэм и ЛIышъхьэ и Координационнэ гупчэу Жуковскэм иурам тет унэу
N 22-м хэтым ар щыкIощт.
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр