Урысыем и ЛIыхъужъэу Роман То­роховым ишIэжь фэгъэхьыгъэу фут­бол цIыкIумкIэ зэнэкъокъу Мые­къуапэ щыкIуагъ.

Республикэм икъэлэ шъхьаIэ игурыт еджапIэхэм якомандэ 15 ащ хэлэжьагъэх. Зызыушэтыгъэхэм илъэс 14 — 16 аныбжь. Iофтхьабзэр Мыекъуапэ игурыт еджапIэу N 1-м щырагъэкIокIыгъ. Мыщ Роман Тороховым ыцIэ ехьы. Турнирым икъызэIухын фэгъэхьыгъэ зэхахьэм хэлэжьагъэх къэлэ спорткомитетым, Фондэу «Хэгъэгум иухъумакIохэр» зыфиIорэм ишъолъыр къутамэ ялIыкIохэр, юнармейцэхэр, ЛIыхъужъым игупсэхэр.

МэфитIум къыкIоцI кIогъэ зэнэкъокъум ифинал щызэIукIагъэх я 5-рэ ыкIи я 22-рэ гимна­зиехэм якомандэхэр. Ятфэнэрэр 8:4-у текIуагъ ыкIи апэрэ чIыпIэр къыдихыгъ. Лицееу N 35-р ящэнэрэ хъугъэ.

Мыекъопэ къэлэ администрацием ипащэу Геннадий Митрофановыр хагъэунэфыкIырэ чIыпIэхэр къыдэзыхыгъэхэм афэгушIуагъ, къалэжьыгъэ тынхэр аритыжьыгъ.