Адыгеим и ЛIышъхьэу КъумпIыл Мурат и УказкIэ Адыгэ Респуб­ликэм и Официальнэ лIыкIоу Урысые Федерацием и Президент дэжь щыIэнэу Мыгу Бислъан агъэ­нэфагъ. ЫпэкIэ «Адыгеим иныбжьыкIэхэр» зыфиIорэ гупчэм ар ипэщагъ.

Адыгэ Республикэм и ЛIыкIо IофшIапIэу Урысые Федерацием и Президент дэжь щыIэм федеральнэ, шъолъыр къулыкъухэм зэпхыныгъэ адыриI, республикэм социальнэ-экономикэ хэхъоныгъэ егъэшIыгъэным дэлажьэ, шъолъырым икультурэрэ ихабзэ­хэмрэ якъэухъумэн, ныбжьыкIэ, общественнэ организациехэм япроектхэм адегъэ­штэгъэным атегъэпсыхьэгъэ Iофтхьабзэхэр зэхещэх.
Мыгу Бислъан Аслъан ыкъор Мыекъуапэ къыщыхъугъ. Апшъэрэ юридическэ гъэсэныгъэ Адыгэ къэралыгъо университетым щызэригъэгъотыгъ. 2015-рэ илъэсым къыщегъэжьагъэу гуфэкIо Iофым пылъ, илъэс зэфэшъхьафхэм республикэм иныбжьыкIэ общественнэ организациехэм IэнэтIэ зэфэшъхьафхэр ащиIыгъыгъ, ныбжьыкIэхэм я Урысые Союз и Адыгэ шъолъыр организацие итхьамэтагъ. Профессиональнэ IофшIэныр 2020-рэ илъэсым АКъУ-м щыригъэ­жьагъ, ресурснэ ныбжьыкIэ гупчэм щы­лэжьагъ. АР-м икъэралыгъо автоном учреждениеу «Адыгеим иныбжьыкIэхэр» зы­фиIорэ Гупчэм ипащэу зыщэтым, рес­публикэм иныбжьыкIэ политикэ ипхыры-
щын дэлэжьагъ. Урысые Федерацием и Президент ирэзэныгъэ тхылъ тIогъогогъо къыфагъэшъошагъ. Унагъо ышIагъ, къо иI.