Обществэу «Динамэр» кIэщакIо зыфэхъугъэ Урысые зэнэкъокъухэр къалэу Анапэ щэкIох. Къэралыгъом ишъолъыр зэфэшъхьафхэм къарыкIыгъэ спортсмен 300-м ехъумэ ­заушэты.

Олимпийскэ резервым испорт еджапIэ зыщызыгъэсэрэ Батмэн Амин килограмм 53-рэ къэзыщэчыхэрэм якуп щыбэнагъ ыкIи тыжьын медаль къыхьыгъ. Гъэхъагъэу ышIыгъэм ишIуагъэкIэ самбэмкIэ Урысыем ичемпионат тиреспубликэ къыщигъэлъэгъонэу ащ фитыныгъэ къыдихыгъ. Спорт­сменыр зыгъасэхэрэр А. Делэкъомрэ А. Мырзэмрэ.