ФутболымкIэ Урысыем изэнэкъокъу иятIонэрэ лигэ икупэу «1Б-м» хэт «Зэкъошныгъэм» я 5-рэ турым къыдыхэлъытэгъэ ешIэгъоу мы мафэхэм Ялтэ щыриIагъэм текIоныгъэр къыщыдихыгъ.
«Рубин Ялта» — «Зэкъош­ныгъ» — 1:2 (0:0).
Къэлапчъэм Iэгуаор дэзыдза­гъэхэр: А. Делэкъор (я 46-рэ такъикъым), Т. Хьэхыр (я 61-рэ такъикъым), И. Евлоевыр (я 84-рэ такъикъым).
«Рубин Ялтэм» хэтыгъэх:
А. Дьячковыр (къэлэпчъэIут),
М. Тарасенкэр, Я. Балан, Н. Бол­говыр, И. Глебовыр, А. Колтаковыр (И. Ромащук), Н. Панамаревыр (И. Евлоевыр), С. Папазян, Д. Польшиковыр (Р. Проценкэр), Д. Полях, В. Пурак.
Тренер шъхьаIэр — А. Грачевыр.
«Зэкъошныгъэм» щешIагъэх: Т. Хачировыр (къэлэпчъэIут),
С. Черджиевыр, К. Юшко, Т. Мох­балиевыр, У. Магомедбековыр, Э. Цанава, К. Антонец (М. Гаджимагомедовыр), Т. Хьэхыр
(Д. Ширковскэр), Е. Рагульки
ныр, А. Делэкъор (Д. Антоненкэр), Г. Абдуллаевыр (И. Зинченкэр).
Тренер шъхьаIэр — С. Мирошниченкэр.
Ялтэ щыкIогъэ зэIукIэгъум цIыф­хэр еплъыгъэхэп. Арын фае апэрэ таймым футболистхэр мыгуIэхэу зыкIешIагъэхэр. «Зэкъошныгъэм» пчъагъэр къызэIуихынымкIэ амалышIухэр иIагъэх, ау къыдэхъугъэп.
ЯтIонэрэ едзыгъом ипэублэ тикомандэ къэлапчъэм Iэгуаор дидзагъ, къахэщыгъэр «Зэкъошныгъэм» икапитанэу Делэкъо Аскэр. Я 61-рэ такъикъым футболист ныбжьыкIэу Хьэх Тамирлан къэлапчъэм метрэ 12 фэдизкIэ пэчыжьэу дэуагъ ыкIи пчъагъэр 2:0 ышIыгъ. Я 84-рэ та­къикъым бысымхэм зы Iэгуао дадзагъ, ау ащ нахьыбэ афызэшIокIыгъэп. Пчъагъэр 1:2-у зэ­IукIэгъур аухыгъ.
Я 5-рэ турым изэфэхьы­сыжьхэр:
«Рубин Ялта» — «Зэкъошныгъ» — 1:2, «Астрахань» — «Динамо-2» — 2:1, «Легион» — «Шъачэ-2» — 2:1, «Ангушт» — «Спартак-Налщык» — 0:0.
Турнир таблицэм «Зэкъошныгъэр» ятIонэрэ чIыпIэм щыт, пэрытныгъэр зыIыгъ «Астрахань» очкоуи 2-кIэ ыуж къенэ. КъыкIэлъыкIощт турым тикомандэ Мые­къуапэ щешIэщт.
Командэхэр зыдэщыт чIыпIэ­хэр ыкIи очко пчъагъэу рагъэ­къугъэр:

1. «Астрахань» — 49.
2. «Зэкъошныгъ» — 47.
3. «Шъачэ-2» — 42.
4. «Рубин Ялта» — 40.
5. «Легион» — 33.
6. «Ангушт» — 31.
7. «Спартак-Налщык» — 22.
8. «Динамо-2» — 5.