Джэрз медальхэр къахьыгъэх
ГандболымкIэ Урысыем ипервенствэ иапэрэ едзыгъо хэлэжьагъэх ыкIи ящэнэ-
рэ чIыпIэр къыщыдахыгъ Мыекъуапэ испортсменкэ ныбжьыкIэхэм.
Спорт еджапIэу С. М. Джэнчатэм ыцIэ зыхьырэм зыщызыгъасэхэрэр къалэу Краснодар щыкIогъэ зэнэкъокъум текIоныгъэм щыфэбэнагъэх. 2014-рэ илъэсым къэхъугъэ пшъашъэхэр ары зызыушэтыгъэхэр.
Тренерэу Дарья Силантьевам ыгъасэхэрэм ухьазырыныгъэ дэгъу къагъэлъэгъуагъ. Ахэм ешIэгъуитф яIагъ, щыр къахьыгъ. Волгоград икомандитIумэ ыкIи Астраханскэ хэкум анахь лъэшыгъэх. Ау Ростов-на-Дону испорт еджапIэу N 8-мрэ Краснодаррэ къытекIуагъэх.
Зэфэхьысыжьхэм къызэрагъэлъэгъуагъэмкIэ, Краснодар игандболисткэхэм текIоныгъэр къыдахыгъ, Волгоград илIыкIохэм ятIонэрэ чIыпIэр афагъэшъошагъ, Мыекъуапэ икомандэ ящэнэрэ хъугъэ.