Илъэс 40 тешIагъэу Адыгэ Республикэм ит псэупIэу Тульскэм икомандэу «Урожаир» футболымкIэ Краснодар краим изэнэкъокъу текIоныгъэр къыщыдихыгъ.

Мыекъопэ районым ифутболистхэм чемпионатым иапшъэ-
рэ лигэ дэгъу дэдэу зыкъыща­гъэлъэгъуагъ. Зэнэкъокъур едзыгъуитIу хъущтыгъ: апэрэм ха­гъэунэфыкIырэ чIыпIэхэм афэ­бэнэщт командэ анахь лъэши 5 къыщыхахыгъ. Тульскэм илIыкIохэр чемпионатыр аухынкIэ
тури 3 къэнагъэу чемпион хъугъэх.
Зэнэкъокъум къыдыхэлъытэ-
гъэ аужырэ ешIэгъоу тикоман-
дэ иIагъэм зэрифэшъуашэу зыкъыщигъэлъэгъуагъ, къыфэгумэкIырэ цIыфхэр ыгъэгушIуагъэх, «ГНС-Спартак» (Краснодар) зыфиIорэм 3:0-у текIуагъ. «Урожаим» къэлапчъэм Iэгуаор гъогогъу 75-рэ дидзагъ, къыфыда­дзагъэр 9 ныIэп.
Мы зэIукIэгъум ыуж мэфэкI зэхахьэу рагъэкIокIыгъэм «Урожаим» щыфэгушIуагъэх.
Командэхэр зыдэщыт чIыпIэхэр
ыкIи очко пчъагъэу
рагъэкъугъэр:

1. «Урожай» (Тульскэр) —
   54.
2. «Кубань-Холдинг-2» (Павловскэр) — 46.
3. «Петра-2022» (Ново­мышастовскаяр) — 42.
4. «ГНС-Спартак»
   (Краснодар) — 42.
5. «Зэкъошныгъ-2»
   (Мыекъуапэ) — 22.