Лъэс зекIонымкIэ Урысыем ичем­пионат чъэпыогъум и 31-м нэс рагъэкIокIыщт.

Ипсауныгъэ зыгъэпытэ ыкIи зызыушэты зышIоигъохэр мыщ хэлэжьэнхэу зэхэща­кIохэм рагъэблагъэх.
Зэнэкъокъум студентхэм, IофшIэкIо куп­хэм, пенсионерхэм, унагъохэм, зэныбджэгъухэм якомандэхэр хэлажьэх. ХагъэунэфыкIырэ чIыпIэхэм афэбанэ Адыгеим икъэлэ шъхьаIэ къэзыгъэлъэгъорэ «Мые­къуапэ 01-р». Чемпионатыр зызэхащэрэм щегъэжьагъэу мы командэм яплIэнэрэ, ящэнэрэ ыкIи ятIонэрэ чIыпIэхэр къыди­хыгъэх. Зэнэкъокъум илъэныкъоу «Муниципалитетхэм якомандэхэр» зыфиIорэм джырэ уахътэм ятIонэрэ чIыпIэр щиIыгъ, пэрытныгъэр зыубытырэ Башкортостан тIэкIу ыуж къенэ.

Зызыушэтыхэрэм мафэ къэс лъэбэкъу мин 25-рэ къакIу. «Мыекъуапэ 01-м» нэбгырэ 23-рэ хэт. Iофтхьабзэр аухынкIэ джыри мэфипшI къэнагъ. Республикэм илIыкIохэм гъэхъэгъэшIухэр ашIынхэу, текIоныгъэм фэбэнэнхэу тафэлъаIо.