ДзюдомкIэ Урысыем ичем­пио­нат къалэу Екатеринбург щыкIуагъ. Тхьамафэм къыкIоцI къэралыгъом испорт­смен анахь лъэшхэр текIоныгъэм фэбэнагъэх. Адыгэ Республикэр нэбгырэ 14-мэ къагъэлъэгъуагъ — хъулъфыгъи 10-мэ ыкIи бзылъфыгъи 4-мэ.
Унэе зэнэкъокъухэр пштэмэ, тишъолъыр илIыкIохэм хагъэунэфыкIырэ чIыпIэхэр къы­дахыгъэхэп. Ау чемпионатым иаужырэ мафэ Къыблэ федеральнэ шъолъырым икомандэ хэтхэу нэбгыритIумэ джэрз медальхэр къа­хьыгъэх. Датхъужъ Алыйрэ Татьяна Шаталовамрэ гъэхъэгъэшIу зышIыгъэхэр. Алый Сыбыр федеральнэ шъолъырым ыкIи Москва яспортсменхэм ябэныгъ ыкIи ахэм ате­кIуагъ. Ащ ишIуагъэкIэ командэм очкохэр къыфихьыгъэх. Татьянэ зыхэтыгъэ командэр Сыбыр федеральнэ шъолъырым IукIагъ ыкIи 8:1-у текIоныгъэр къыдихыгъ. Команднэ зэнэкъокъухэм нэбгырэ 14 ахэлажьэ — хъулъфыгъи 7-рэ бзылъфыгъи 7-рэ. Къыб­лэ федеральнэ шъолъырыр 8:6-у Москва икомандэ текIуи, ящэнэрэ чIыпIэр къыхьыгъ. Санкт-Петербург текIоныгъэр къыдихыгъ, ар финалым Поволжскэ федеральнэ шъо­лъырым 8:4-у щытекIуагъ.