2025-рэ илъэсым Iоныгъом и 10-м ыуж IэкIыб къэралхэм къарыкIыгъэхэм ащыщэу Урысыем хэта рагъэкIыщтхэр?

ТхьамэфитIукIэ Урысыем хэгъэгу кIоцI IофхэмкIэ и Министерствэ кощын IофхэмкIэ ичIыпIэ къулыкъухэм яподразделениехэм IэкIыб къэралхэм ащыщхэу ыкIи гражданствэ зимыIэхэу тикъэралыгъо исхэу кощыным епхыгъэ хэбзэгъэуцугъэр зыукъуагъэхэм ятхылъхэр аIахыжьыщтхэп.
УФ-м и Президент и Указэу 2024-рэ илъэсым тыгъэгъазэм и 30-м къы­дэкIыгъэм игъэцэкIэн къыдыхэлъытагъэу IэкIыб къэралхэм къарыкIыгъэхэу Урысые Федерацием хэбзэнчъэу щыпсэухэрэм ыкIи Урысые гражданствэ зимыIэхэу къэралыгъом рагъэ­кIынхэм ищынагъо зышъхьащытхэм яправовой статус агъэтэрэзын амал 2025-рэ илъэсым Iоныгъом и 10-м нэс яIагъ. Ащ нэс игъо имыфагъэхэм алъэныкъокIэ унашъохэр ашIыщтых, Урысыем рагъэкIыщтых ыкIи ыужкIэ къихьанхэ фимытхэу гъогур афызэфашIыщт.
Ащ къыхеубытэх IэкIыб къэралхэм къарыкIыгъэхэу:
— кощынымкIэ статус е гражданствэ зэриIэр къэзыушыхьатырэ тхылъыр е справкэр зимыIэхэр;
— къызщыуцугъэм ыкIи зыщыпсэурэ чIыпIэм дэмытхагъэхэр;
— врачым афимыгъэнэфагъэу наркотикхэр ыкIи психотропнэ веществохэр зыгъэфедэхэрэр е ар къызхамыгъэщыгъэхэр гъэунэфыгъэнхэмкIэ медицинэ уплъэкIунхэр игъом зымыкIугъэхэр, шIокI зимыIэ дактилоскопическэ регистрацие зымышIыгъэхэр ыкIи сурэт зытырамыхы­гъэхэр;
— кощын Iофым пылъ хэбзэгъэуцугъэр зыукъуа- гъэхэр.
IэкIыбым къарыкIыгъэхэм ыкIи ахэм IофшIапIэ языгъэгъотыхэрэм Iизын къязытырэ тхылъхэм якъыдэхынкIэ ыкIи ягъэхьазырынкIэ Урысыем хэ­гъэгу кIоцI IофхэмкIэ и Министерствэ ипаспортнэ визовэ къулыкъу икъутамэхэм е Урысыем хэгъэгу кIоцI IофхэмкIэ и Министерствэ ичIыпIэ къулыкъухэм зафагъэзэн алъэкIыщт.
IэкIыб къэралхэм къарыкIыгъэхэу яправовой статус зымыгъэпсыгъэхэм, джащ фэдэу мэфэ 90-м ехъоу Урысыем щыпсэунхэмкIэ Iизын зэрамытыгъэхэм 2025-рэ илъэсым Iоныгъом и 11-м нэс къэралыгъор къабгынэн фэягъ.
IэкIыб къэралхэм къарыкIыгъэхэу Урысыем хэбзэнчъэу щыпсэухэрэр ыкIи зылъыплъэхэрэр Реестрэм хагъэу­цуагъэх.