Хэбзэгъэуцугъэр ыукъуагъ
Ространснадзорым пэщэ IэнатIэр щызыIыгъхэм ащыщ къуалъхьэ зэриштагъэм фэшI Адыгеим уголовнэ Iоф къыщызэIуахыгъ.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофышIэхэм Ространснадзорым имежрегиональнэ чIыпIэ ГъэIорышIапIэу Къыблэ Федеральнэ шъолъырым щыIэм къэралыгъо автодорожнэ лъыплъэнымкIэ иотдел ипащэ игуадзэ къуалъхьэ къаIихыгъэу къаубытыгъ.
ЗэрагъэунэфыгъэмкIэ, 2021-рэ илъэсым имэкъуогъу мазэ къыщыублагъэу 2023-м ичъэпыогъу нэс унэе предпринимательхэм хьылъэзещэ автомашинэхэм ягъэзекIонкIэ административнэ хэукъоныгъэу ашIыгъэхэм апае пшъэдэкIыжь амыхьыным фэшI сомэ мин 75-рэ къаIихыгъ. Тазыр амытыным фэшI къуалъхьэу къаштэн фаер зыфэдизыр ащ тхьапэм афытыритхэщтыгъ. Ахъщэр ежь нэмыкI горэм исчет рагъахьэ- щтыгъ.
Джащ фэдэу 2021-рэ илъэсым имэлылъфэгъу къыщыублагъэу 2022-м ижъоныгъуакIэ нэс нэмыкI предпринимательхэм джа ушъхьагъу дэдэр иIэу сомэ мин 285-рэ къаригъэтыгъ.
Мы уахътэм Iофыр зэхафы.