Урысыем хэгъэгу кIоцI IофхэмкIэ и Министерствэ Тэхъутэмыкъое районымкIэ икъутамэ следствиехэмкIэ иотдел Краснодар щыщ хъулъфыгъэу илъэс 47-рэ зыныбжьым пае уголовнэ Iоф къызэIуихыгъ.

ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ уплъэкIунэу зэхищагъэхэмкIэ материалэу къыгъэ­хьазырыгъэхэм ар къапкъырыкIыгъ.

Хъулъфыгъэм ятIонэрэ купым хэхьэрэ сэкъатныгъэ зэрагъэуцурэ узхэм ащыщ иIэу къэзыгъэлъэгъорэ тхылъ нэпцIхэр ыгъэфедагъэхэу, хэбзэнчъэу пенсие къаIихыщтыгъ. ПстэумкIи ащ тетэу сомэ 312615,2-рэ къыратыгъ.

Мы уахътэм Iофыр зэхафы, бзэджэшIагъэр зэрихьаным ушъхьагъу шъхьаIэ фэхъугъэр зэрагъашIэ.