Теракт зэхищагъэу егуцафэх
Террористическэ акт зэхищагъэу зэгуцафэхэрэ хъулъфыгъэу Краснодар щыщым уголовнэ Iоф къыфызэIуахыгъ.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофышIэхэм Украинэм ихэушъхьафыкIыгъэ къулыкъухэм зэпхыныгъэ адыриIэу Адыгеим теракт щызэхэзыщэгъэ хъулъфыгъэр къаубытыгъ.
Ащ Украинэм ихэушъхьафыкIыгъэ къулыкъухэм яунашъокIэ Пшызэ шъолъырымрэ Адыгеим ипоселкэу Инэмрэ зэзыпхырэ мэшIокугъогум тет псэуалъэу мэшIокухэм язекIон зэрагъэIорышIэрэм кIигъэнагъ. ЦIыфхэр ыгъэщтэнхэр, хэбзэ къулыкъухэм яIофшIэн зэщигъэкъоныр ары пшъэрылъэу иIагъэр.
Хъулъфыгъэм мессенджерэу «Telegram» зыфиIорэмкIэ зэпхыныгъэ къыдыряIэу, пшъэрылъхэр къыфашIыщтыгъэх, зэригъэцакIэхэрэм анаIэ тетыгъ. Телефонэу къыIахыгъэм ар къыушыхьатыжьыгъ.
УФ-м и Следственнэ Комитет транспортымкIэ иследственнэ ГъэIорышIапIэ КраснодаркIэ иотдел уголовнэ Iоф къызэIуихыгъ. Следовательхэм Iофыр зэхафы, бзэджэшIагъэр къэзыушыхьатырэ материалхэр къаугъоих.