2025-рэ илъэсым чъэпыогъум и 3-м АР-м ыкIи Пшызэ шъолъыр ащыпсэурэ быслъымэнхэм я ДиндэлэжьапIэ имуфтий игуадзэу, Краснодар иIимамэу Тхьаркъохъо Аскэррэ Дагъыстан Республикэм и Правительствэ и ЛIыкIоу Краснодар краим щыIэ Алибек Магомедовымрэ IофшIэгъу зэIукIэгъу зэдыряIагъ

Iофтхьабзэм хэлэжьагъэх Дагъыстан Республикэм и ЛIыкIоу Краснодар краим щыIэм игуадзэхэр.
ЗэдэгущыIэгъум хахьэу динлэжьхэм азыфагу зэгурыIоныгъэрэ зэзэгъыныгъэрэ илъыным иIофыгъохэм бгъухэр атегущыIагъэх. Анахьэу анаIэ зытырагъэтыгъэр цIыфхэм азыфагу илъ мамырныгъэмрэ зэгурыIоныгъэмрэ гъэпытэгъэныр ыкIи зэгъусэхэу зэдэлэжьэнхэр ары.
ШъхьэкIафэ зэрэфишIырэр ишыхьатэу Алибек Магомедовым Тхьаркъохъо Аскэр дагъыстан усэкIошхоу Расул Гамзатовым итхылъ шIухьафтынэу ритыгъ.

КIэухым гушъхьэ баиныгъэр ыкIи язэгурыIоныгъэ гъэпытэгъэнхэмкIэ бгъуи­тIуми тапэкIэ Iоф зэрэзэдашIэщтыр къаIуагъ.
КIАРЭ Фатим.