Урысые зэнэкъокъоу «Народный участковый-2025» зыфиIорэм иятIонэрэ шъолъыр уцугъо ыкIэм фэкIуагъ.

ЗэIухыгъэ онлайн-мэкъэтыным изэфэхьысыжьхэмкIэ, шъо­лъыр зэнэкъокъум текIоныгъэр къыщыдихыгъ Урысыем хэ­гъэгу кIоцI IофхэмкIэ и Министерствэ Мыекъопэ районымкIэ иотдел иучастковэ уполномоченнэу, полицием икапитанэу ХьапэкIэ Тимур.
КъулыкъушIэм илъэс 32-рэ ыныбжь, апшъэрэ гъэсэныгъэ иI. 2017-рэ илъэсым къыщегъэжьагъэу хэгъэгу кIоцI къулыкъум хэт, 2019-м шышъхьэIум къыщегъэжьагъэу полицием иучастковэу Iоф ешIэ. Къэгъэлъэгъон дэгъухэр зэриIэхэм фэшI АР-м хэгъэгу кIоцI IофхэмкIэ и Министерствэ ищытхъу тхылъхэр къыфагъэшъошагъэх.
Урысыем хэгъэгу кIоцI IофхэмкIэ и Министерствэ зикIэщэкIо зэнэкъокъоу «Народный участковый-2025» зыфиIорэм икIэух едзыгъо Адыгеир къыщигъэлъэгъощт полицием имайорэу ХьапэкIэ Тимур. Мыщ фэгъэхьыгъэ игъэкIотыгъэ тхыгъэ тигъэзет къыхиутыщт.